خیبر پختونخوا کے پہاڑی ضلع دیربالا میں پاتراک کے علاقے میدان میں مکان پرتودہ گرنے سے 12 افراد دب گئے۔
پولیس کے مطابق مکان پر تودہ کرنے سے دب کر جاں بحق ہونے والے 12 فراد کی لاشیں نکال لی گئیں ہیں۔
پولیس کے مطابق دیر بالا میں پاتراک کے علاقے میں مٹی کا تودہ گھر پر آکر گرا، جاں بحق ہونے والوں میں 2 خواتین ایک مرد اور 9 بچے شامل ہیں، جاں بحق ہونے والے تمام افراد کا تعلق ایک ہی فیملی سے ہے۔
واقعہ کی اطلاع ملتے ہی پولیس اور امدادی ٹیمیں موقع پر پہنچ گئیں، لاشوں کو ملبے سے نکال کر ہسپتال منتقل کر دیا۔
انتظامیہ کا کہنا ہے کہ رات بارش اور اندھیرے کے باعث ریسکیو آپریشن میں مشکلات کا سامنا رہا۔