سیلاب تباہی کے بعد اب مہنگائی کا جن بے قابو،حکومت عوام کو ریلیف دینے میں ناکام

44237393_279363529353977_3624991533566001152_n.jpg

ادارہ شماریات نے ہفتہ وار مہنگائی کے اعدادوشمار جاری کردیے۔

ادارہ شماریات کے مطابق ایک ہفتے میں مہنگائی میں مزید 1.31 فیصد اضافے کے بعد مجموعی شرح 45.50 فیصد ہوگئی۔

ادارہ شماریات نے بتایا کہ ایک ہفتے میں 31 اشیا کی قیمتوں میں اضافہ ہوا، پیاز  51 روپے 52 پیسے، ٹماٹر  20 روپے 87 پیسے اور دال مونگ کی قیمت میں 17 روپے 21 پیسے فی کلو اضافہ ہوا۔

ادارہ شماریات کا کہنا ہے کہ ایل پی جی کا گھریلو سلنڈر 118 روپے 63 پیسے، آلو 4 روپے 55 پیسے، انڈے فی درجن 8 روپے 39 پیسے مہنگے ہوئے، 20 کلو آٹے کا تھیلا 18 روپے 33 پیسے اور مرغی کی قیمت میں فی کلو 8 روپے 91 پیسے اضافہ ہوا۔

ادارہ شماریات کے مطابق دال ماش، روٹی، دودھ، دہی، چینی اور مٹن کی قیمتوں میں بھی اضافہ ہوا، ماچس، چاول، جلانے کی لکڑی، کیلے اور لہسن بھی مہنگے ہوئے۔

ادارہ شماریات نے بتایا کہ حالیہ ہفتے میں 3 اشیا کی قیمتوں میں کمی اور 17 اشیا کی قیمتوں میں استحکام رہا۔

جواب دیں

آپ کا ای میل ایڈریس شائع نہیں کیا جائے گا۔

scroll to top