نرنجن سنگھ:ضلع خیبر میں ماہ رمضان میں بلامنافع سودا فروخت کرنے والا تاجر

Capture.png

ملک بھر میں مہنگائی کا طوفان ہونے کے باوجود ضلع خیبرکا نرنجن سنگھ رمضان المبارک میں بلامنافع سودا بیچتا ہے۔ 

 مادہ پرستی کے اس دورمیں ضلع خیبر میں سکھ برادری سے تعلق رکھنے والا تاجر نرنجن سنگھ ہر سال ماہ رمضان میں منافع ترک کر دیتا ہے۔

نرنجن سنگھ کا کہنا تھا کہ سال کے 11مہینے پیسے مگر رمضان اللہ کی رضاکمانے کا موقع ہے۔

 نرنجن کی دکان میں سستا ترین سامان فروخت ہوتے دیکھ کر  ایک طرف گاہک حیران ہیں تو دوسری طرف جمرود بازار کے سارے دکاندار  بھی پریشان ہیں۔

ضلع خیبرکےجمرود بازار میں قائم  نرنجن سنگھ کا  قدیم کریانہ اسٹور  جہاں ہر سال رمضان کے تقدس کی خاطر اشیائے خور و نوش بغیر منافع کے فروخت کی جاتی ہیں۔

رمضان میں منافع ترک کرنے کی وجہ سے دکان کا کرایہ اور مزدوروں کی تنخواہیں نرنجن سنگھ کو  اپنی جیب سے ادا کرنا پڑتی ہیں جس پر خریدار نرنجن سنگھ کی خدا ترسی کے معترف جبکہ دیگر تاجر پریشان  ہیں۔

گراں فروشی کے عفریت میں ملوث تاجروں کے لیے نرنجن سنگھ ایک قابل تقلید مثال ہے جس پر عمل کر کے ایک خوشحال معاشرے کی تشکیل ممکن بنائی جا سکتی ہے۔

جواب دیں

آپ کا ای میل ایڈریس شائع نہیں کیا جائے گا۔

scroll to top