آئی ٹی بورڈ اور پاکستان ٹیلی ویژن کے اشتراک سے نوجوانوں کیلئے تربیتی پروگرام کا آغاز

88981643_2683205208395618_3001424928579780608_o.jpg

وزیراعلیٰ خیبرپختونخوا محمود خان کے مشیر برائے سائنس و انفارمیشن ٹیکنالوجی ضیااللہ بنگش نے کہا ہے کہ خیبرپختونخوا کے نوجوانوں کے لئے صوبے میں مختلف تربیتی پروگرام جاری ہیں، ان پروگرامز میں حصہ لیکر نوجوان باعزت روزگار شروع کرسکتے ہیں۔

ان خیالات کا اظہار ضیااللہ بنگش نے اسلام آباد میں پاکستان ٹیلی ویژن کے منیجنگ ڈاریکٹر عامر منظور سے ملاقات کے دوران کیا۔ ملاقات میں خیبرپختونخوا انفارمیشن ٹیکنالوجی بورڈ کے ایم ڈی ڈاکٹر شہباز خان اور دوسرے عہدہ دار بھی موجود تھے۔

ملاقات میں فیصلہ کیا گیا کہ پی ٹی وی سنٹر پشاور اور خیبرپختونخوا آئی ٹی بورڈ کی باہمی اشتراک سے صوبے کے نوجوانوں کے لئے تربیتی پروگرام شروع کیا جائے گا، جس میں نوجوانوں کو دور جدید کے تقاضوں کے عین مطابق مختلف ڈیجیٹل سکلز سکھائے جائینگے۔

اس موقع پر مشیربرائے سائنس و انفارمیشن ٹیکنالوجی ضیا اللہ بنگش کا کہنا تھا کہ دونوں اداروں کے اشتراک سے شروع کئے جانے والے ٹریننگ سے نوجوانوں کو باعزت روزگار شروع کرنے میں مدد ملے گی۔

ان کا کہنا تھا کہ پشاور میں شروع کئے جانے والے تربیتی پروگرام میں نوجوانوں کو کری ایٹیو رائٹنگ، ویڈیو بلاگ، اینیمیشن، ویڈیوگرافی اور فری لانسنگ جیسے ہنر سکھائے جائینگے جس کو حاصل کرنے کے بعد نوجوان اس قابل ہوجائنگے کہ خود کا روزگار شروع کرسکے۔

ضیااللہ بنگش کا مزید کہنا تھا کہ نوجوان ہمارا سرمایہ ہے، ان کی ترقی کے لئے صوبائی حکومت ٹھوس اقدامات اٹھارہی ہے۔ منیجنگ ڈاریکٹر پاکستان ٹیلی ویژن عامر منظور نے مشیربرائے سائنس وانفارمیشن ٹیکنالوجی ضیا اللہ بنگش کو اپنے ادارے کی جانب سے مکمل تعاون کی یقین دہانی کرائی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

scroll to top