معاشی بحران پر قابو پانے کیلئے صنعتوں کی ترقی بہت ضروری ہے،اسد قیصر

67065923_1389520857839088_6229278776363057152_n.jpg
اسلام آباد :سپیکر قومی اسمبلی اسد قیصر نے کہا ہے کہ ماربل کی صنعت ملک کے لئے انتہائی اہمیت کی حامل ہے،صنعت کو درپیش مسائل کو ترجیحی بنیادوں پر حل کیا جائے گا،موجود حکومت صنعتوں کو درپیش مسائل کے حل کے لیے ترجیحی بنیادوں پر اقدامات اٹھا رہی ہے،معاشی بحران پر قابو پانے کے لیے صنعتوں کی ترقی وقت کی اہم ضرورت ہے۔

ان خیالات کا اظہار انہوں نے ہفتے کو ماربل انڈسٹری کے ایک وفد سے ملاقات کے دوران گفتگوکرتے ہوئے کیا۔ انہوں نے کہا کہ صنعتوں کی ترقی موجود حکومت کی اولین ترجیحات کا حصہ ہے،ملکی معیشت کو سہارا دینے کے لیے ہمیشہ صنعتوں کا اہم کردار رہا ہے۔

سپیکرقومی اسمبلی نے کہا کہ صنعتی شعبے سے وابستہ ہزاروں افراد کے روزگار کو محفوظ بنانے کے لیے صنعتوں کے مسائل پر غور و فکر کرنے کی ضرورت ہے، ماربل انڈسٹری ملک کی اہم صنعت ہے اس کے مسائل کو حل کرنے کے لیے اقدامات کریں گے۔

اسد قیصر نے کہا کہ صنعت کو درپیش مسائل کو ترجیح بنیادوں پر حل کیا جائے گا،معاشی بحران پر قابو پانے کے لیے صنعتوں کی ترقی وقت کی اہم ضرورت ہے.

جواب دیں

آپ کا ای میل ایڈریس شائع نہیں کیا جائے گا۔

scroll to top