جامعہ پشاور:دوسرا نیشنل سمر سکول آف سوشل ورک 24 اگست سے شروع ہوگا

93399833_167025878096863_2827798135449845760_o.jpg

پشاور: نوجوان نسل کی تخلیقی صلاحیتوں کو اُبھارنے اور شخصیت سازی کیلئے یونیورسٹی آف پشاور کے ڈیپارٹمنٹ آف سوشل ورک کے زیراہتمام "دوسرا سمر سکول آف سوشل ورک” 24 اگست سے شروع ہوگا جوکہ 31 اگست تک جاری رہے گا۔

باڑہ گلی کیمپس،جامعہ پشاور میں منعقد کیا جانے والا اس سات روزہ سمر سکول کا عنوان  "انسانی رشتوں کی اہمیت کو فروغ” رکھا گیا ہے جس میں زندگی کے مختلف شعبہ جات سے تعلق رکھنے والے قومی اور بین الاقوامی مندوبین اپنے اپنے لیکچرز دینگے اور شرکاء کو فیلڈ کے تجربات و مشکلات اور سماجی و فلاحی خدمات کو سر انجام دینے کیلئے ٹیم ورک کے بارے میں بتائیں گے۔

سمر سکول جامعہ پشاور کے شعبہ سوشل ورک اور فلاحی ادارے "کمیونٹی ورلڈ سروس” کے مشترکہ کاوشوں سے ترتیب دیا گیا یے جس میں جامعہ پشاور،جامعہ پنجاب اور جامعہ سندھ ،جامشورو  کے شعبہ سوشل ورک میں زیر تعلیم طلباء وطالبات بھی حصہ لیں گے۔

سمر سکول کے آرگنائزر اور شعبہ سوشل ورک کے اسٹنٹ پروفیسر ڈاکٹر محمد ابرار نے "دی پشاور پوسٹ” کو بتایا کہ سکول کا مقصد پاکستان کے اندر شعبہ سوشل ورک کی اہمیت کو اُجاگر کرنا اور نوجوان نسل کو "فیوچر لیڈرشپ” کیلئے تیار کرنا نے۔انہوں نے کہا کہ اس سات روزہ پروگرام میں شرکاء کو معاشرے کی ترقی میں نوجوان نسل کا کردار،برداشت اور مکالمے کی فضاء کو فروغ،حقیقت پسندانہ سوچ کی اپنائیت اور معاشرتی ترقی کے مختلف موضاعات پر ماہرین لیکچرز دیںگے۔

انہوں نے مزید کہا کہ سکول میں ملک بھر سے شرکت کرنے والے شرکاء کو انسانی خدمات کے حوالے سے  آپس میں اتفاق رائے،روابط اور اس کے علاوہ بین الاصوبائی ہم آہنگی کو تقویت دینے کیلئے بھی راہ ہموار کرینگے۔سکول کے دوران شرکاء کو گلیات کی سیاحتی مقامات،معروف فلاحی اداروں کے دفاتر،سینٹ اور قومی اسمبلی کے مطالعاتی سیر بھی کروائے جائینگے۔

ڈاکٹر محمد ابرار کے مطابق شرکاء سمر سکول کے پروگرام  کے نمایاں سرگرمیوں میں سے کمیوٹی سروسز،ٹریکنگ،کیمپس کی صفائی مہم،کلچر نائٹس،ٹیم بلڈنگ اور انٹریکٹیو گیمز میں حصہ لینگے۔

انہوں نے کہا کہ ملک بھر سے نوجوان طلباء وطالبات اور دوسرے سماجی ورکرز اس سکول میں شرکت کیلئے 15 جون 2020 تک نیچھے دئیے گئے  آن لائن لنگ پر اپلائی کرسکتے ہیں۔  https://forms.gle/mNwCuBAPe6uy2HYN7

 

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

scroll to top